Nigériyide échilghan xitay dukanliridin 190 i taqiwétildi


2006-01-05
Share

Nigériyining lagas shehirige jaylashqan xitay baziridiki dukanlar tamojna idarisi teripidin tuyuqsiz tekshürülüp, 10 neper xitay sodigiri qolgha élin'ghan. Mezkur heriketni élip barghan tamojna idarisi xadimning bildürüshiche, bu weqe xitay sodigerlirining ölchemsiz mallarni satqanliqi toghrisida kelgen inkas sewebidin kélip chiqqan.

Dunya ray sinash tor bétining 1 ‏- yanwar künidiki xewirige qarighanda, nigériye tamojnisi xitay bazirigha qurulghan chong tiptiki " xelq'ara shirketler merkizi " diki 190 dukanni tekshürüp taqighan.

Xewerdin melum bolushiche, nigériye tamojna xadimliri, 12 ‏- ayning 23 ‏- küni seherde xitay bazirini tuyuqsiz qorshiwalghan we dukanlardiki mallarni tekshürüshni telep qilghan, emma xitay sodigerler mallarni tekshürüshni ret qilish bilen birge neq meydandin qéchip ketken.

Tamojna xadimlirining meqsiti, mezkur bazarda saxta mallarni sétish qilmishini tekshürüsh bolup, buningdin ilgiri xitay sodigerliri yalghan markiliq saxta mallarni nigériyide köplep sétip, nigériye istimalchilirini aldighan iken. Bu qétim élip bérilghan tekshürüsh netijiside 190 dukan pütünley taqiwitilgendin sirt, bazardiki mallarning hemmisi tamojna idarisigha yötkep kétilgen hemde xitay sodigerler bazardin qoghliwitilgen.

Tamojna idarisining mes'uli:" biz mallarni toluq tekshürüp chiqip, mesile körülmise ularning dawamliq tijaret qilishigha yol qoyimiz "dégen.

Xelq'ara metbu'atlarda, xitayning saxta mallirining dunyaning her qaysi jaylirigha keng tarqalghanliqi, amérikining nyuyork shehiridimu dangliq markilarni dorap yasighan xitay mallirining intayin köp sétilidighanliqi melum qilinmaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet