Da'iriler yéngi orliyanda puqralarni mejburi tarqaqlashturmaqta


2005.09.09
Share on WhatsApp
Share on WhatsApp

Amérika quyun apitining eng éghir zerbisige uchrighan yéngi orliyanda puqralarni tarqaqlashturmaqta. Saqchilar, öyidin ayrilishni ret qilghan puqralarni eskerlerning yardimi bilen mejburiy tarqaqlashturdi.

Amérika prézidénti jorji bush buningdin ilgiri apet rayonidiki puqralarni qutquzush pilanini jakarlighan. U, apetke uchrighan her bir a'ilige deslepki qedemde 2000 dollardin pul béridighanliqini élan qilghan.

Prézdént bush peyshenbe küni apet rayonidikilerge 51 milyard dollar qutquzush puli ajritish qanunigha derhal imza qoydi. Bush 16 - séntebirni quyun apitide ölgenler üchün matem küni qilip békitken.

Emma amérikida prézidént bushqa qaritilghan tenqid kücheymekte. Xelq rayini sinash netijiliri prézidént bushni qollash nisbitining töwenligenlikini körsetti. Amérikidiki bir tetqiqat ornining xelq rayini sinash netijisige qarighanda, xelq rayini sinashqa qatnashqan puqralarning üchten ikki qisimi hökümetni apet rayonigha yardem bérishte kéchikti, dep qarighan.

Jüme küni amérikining sabiq tashqi ishlar ministiri kolin powéll, bush hökümiti apetke qarshi toluq teyyarliq körmidi, dep körsetti. Aq sarayning ashkarilishiche, bush hepte axirini apet rayonida ötküzidiken. Buning aldidi'a mu'awin prézidént dik chinéy apet rayonigha ketken idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet