Хитай -пакистан таш йоли үзүлүп қалди


2007.06.17

Узун йиллардин буян пакистан вә хитай арисидики һәрбий- сиясий вә иқтисадий мунасивәтлирини бағлаш ролини ойнап келиватқан пакистан-хитай таш йолиниң пакистанниң сусит чегра еғизидин он нәччә километир җайдики қисими қиян апити сәвәбидин бузулуп кетип, он нәччә күндин буян икки тәрәп қатнишиниң үзүлүп қелишиға сәвәб болған. Бузулған таш йолниң узунлуқи икки километир әтрапида болуп, буни ясашқа хели күч вә вақит кетидикән.

Таш йолниң бузулуши икки тәрәп йүк вә йолучилар аптомобиллириниң тосулуп қелишни кәлтүрүп чиқарған болуп, хитай өткилидин атланған 30 аптомобил пакистан суст еғизида тохтап қалған. Йәнә 15 аптомобил чегридин чиқишни күтүп йетишқа мәҗбур болған, пакистанниң алтә аптомобилиму дөлитигә қайталмиған.

Мунасивәтлик мутәхәссисләрниң ейтишичә, пакистан-хитай таш йоли қара қорум таш йоли дәпму аталған болуп, бу йол егиз тағларға вә даванларға қурулған болғачқа , хәтири көп икән. Лекин, бундақ болушиға қаримай, мәзкур линийә хитайниң һинди окян райониға чиқишида әң қолайлиқ вә йеқин болғанлиқи үчүн, хитай һөкүмити бу йәрдә төмүр йол ясап, уни пакистан төмүр йоли билән бирләштүрүп, һинди окян қирғиқи билән сода-иқтисад вә енергийә мунасивити елип беришни пиланлиған икән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.