Xitay -pakistan tash yoli üzülüp qaldi


2007-06-17
Share

Uzun yillardin buyan pakistan we xitay arisidiki herbiy- siyasiy we iqtisadiy munasiwetlirini baghlash rolini oynap kéliwatqan pakistan-xitay tash yolining pakistanning susit chégra éghizidin on nechche kilométir jaydiki qisimi qiyan apiti sewebidin buzulup kétip, on nechche kündin buyan ikki terep qatnishining üzülüp qélishigha seweb bolghan. Buzulghan tash yolning uzunluqi ikki kilométir etrapida bolup, buni yasashqa xéli küch we waqit kétidiken.

Tash yolning buzulushi ikki terep yük we yoluchilar aptomobillirining tosulup qélishni keltürüp chiqarghan bolup, xitay ötkilidin atlan'ghan 30 aptomobil pakistan sust éghizida toxtap qalghan. Yene 15 aptomobil chégridin chiqishni kütüp yétishqa mejbur bolghan, pakistanning alte aptomobilimu dölitige qaytalmighan.

Munasiwetlik mutexessislerning éytishiche, pakistan-xitay tash yoli qara qorum tash yoli depmu atalghan bolup, bu yol égiz taghlargha we dawanlargha qurulghan bolghachqa , xetiri köp iken. Lékin, bundaq bolushigha qarimay, mezkur liniye xitayning hindi okyan rayonigha chiqishida eng qolayliq we yéqin bolghanliqi üchün, xitay hökümiti bu yerde tömür yol yasap, uni pakistan tömür yoli bilen birleshtürüp, hindi okyan qirghiqi bilen soda-iqtisad we énérgiye munasiwiti élip bérishni pilanlighan iken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet