Qazanda qol sherip meschitining échilish murasimi ötküzüldi


2005-06-24
Share

Tataristan paytexti qazandiki qul sherip meschitining échilish murasimigha islam dunyasidiki ataghliq diniy zatlar we siyasi erbablar ishtirak qildi. Bu murasim qazan shehiri qurulghanliqining 1000 yilliqini xatirilesh pa'aliyitining bir qisimi. Murasimgha dunya islam birlikining bash katipi aqmeleddin ihsan'oghli ishtirak qilghan. U, qul sherip meschitining échilish nutqini sözlidi. Murasimgha ottura asiya elliri, ezerbeyjan, rusiye, se'udi erebistan, kuweyt, iran, türkiye, misir, birleshme ereb xelipiligi qatarliq ellerning siyasi we diniy wekilliri qatnashqan. Qul sherip meschiti tataristan shundaqla pütün rusiye boyiche eng chong tarixiy qurulushlarning biri.

Mezkur meschit, 1552 - yili char rusiye qoshunliri qazanni ishghal qilghanda weyran bolghan. Kéyinki chaghlarda meschitke char rusiye qoshunigha qarshi qazanni mudapi'e qilghan tatar qehrimani seyid qul sheripning nami bérilgen idi. Tatarlar bu yazda qazan shehiri qurulghanliqining 1000 yilliqini xatirilesh üchün her xil pa'aliyetlerni uyushturghan. Tataristan rusiye fédiratsiyisining bir aptonom jumhuriyiti bolsimu, emma bu tatarlarning qazan shehirining 1000 yilliqini tebriklesh shundaqla qul sherip meschitining échilish murasimini xelq'araliq kölemde tebriklishige tosalghu bolmighan.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet