Қазанда гуантанамодин қоюп берилгән татар яшлири үчүн намайиш өткүзүлди


2006-03-26
Share

Татаристанниң пайтәхти қазан шәһиридә 26- март күни 30 нәччә киши топлинип, өткән йили гуантаномо түрмисидин қоюп берилгәндин кейин, қайтидин русийә сақчи даирилири тәрипидин қолға елинған үч нәпәр татар яшни вә 2004-йили, террорчилиқ қилмақчи дегән гунаһ билән қолға елинған 23 нәпәр татарни қоюп беришни тәләп қилип, намайиш өткүзгән.

Русийиниң нәвсру. Агентлиқиниң учуридин қариғанда, бу намайишқа татар иҗтимаий җәмийити дәп аталған тәшкилатниң әзалириму иштирак қилған болуп, паалийәтчиләрниң рәһбири хәлил аюпов мухбирға татаристанда ислам радикализиминиң мәвҗут әмәслики, татарларниң ислам дининиң һәнефийә мәзһипигә мәнсуп болуш билән ваһабийлар мәзһипидин пәрқлинидиғанлиқини чүшәндүргән.

Хәвәрдә көрситилишичә, өткән йили гумароп вә ишмуратоп исимлик икки яш афғанистанда америка әскәрлири тәрипидин қолға елинип, гуантаномо түрмисигә соланғандин кейин 2005-йили қоюп берилип, русийигә қайтурулған иди. Әмма узун өтмәй русийә даирилири уларни қолға алған. Татаристан соти уларниң делосини русийә алий сотиға йоллиған болсиму, лекин русийә алий соти буни қайтидин көрүп чиқишни тәләп қилип, делониң вақти созулуп кәткән.

Хәвәрдә көрситилишичә, татар намайишчилири қоллирида "хәлқара җәмийәт гуантаномо түрмисини тақашни тәләп қиливатиду, қачан русийиниң мусулманларға қаратқан турмилири тақилиду?" дегәндәк пилакатларни көтүривалған икән.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт