Qazanda gu'antanamodin qoyup bérilgen tatar yashliri üchün namayish ötküzüldi


2006-03-26
Share

Tataristanning paytexti qazan shehiride 26- mart küni 30 nechche kishi toplinip, ötken yili gu'antanomo türmisidin qoyup bérilgendin kéyin, qaytidin rusiye saqchi da'iriliri teripidin qolgha élin'ghan üch neper tatar yashni we 2004-yili, térrorchiliq qilmaqchi dégen gunah bilen qolgha élin'ghan 23 neper tatarni qoyup bérishni telep qilip, namayish ötküzgen.

Rusiyining newsru. Agéntliqining uchuridin qarighanda, bu namayishqa tatar ijtima'iy jemiyiti dep atalghan teshkilatning ezalirimu ishtirak qilghan bolup, pa'aliyetchilerning rehbiri xelil ayupow muxbirgha tataristanda islam radikalizimining mewjut emesliki, tatarlarning islam dinining henéfiye mezhipige mensup bolush bilen wahabiylar mezhipidin perqlinidighanliqini chüshendürgen.

Xewerde körsitilishiche, ötken yili gumarop we ishmuratop isimlik ikki yash afghanistanda amérika eskerliri teripidin qolgha élinip, gu'antanomo türmisige solan'ghandin kéyin 2005-yili qoyup bérilip, rusiyige qayturulghan idi. Emma uzun ötmey rusiye da'iriliri ularni qolgha alghan. Tataristan soti ularning délosini rusiye aliy sotigha yollighan bolsimu, lékin rusiye aliy soti buni qaytidin körüp chiqishni telep qilip, déloning waqti sozulup ketken.

Xewerde körsitilishiche, tatar namayishchiliri qollirida "xelq'ara jemiyet gu'antanomo türmisini taqashni telep qiliwatidu, qachan rusiyining musulmanlargha qaratqan turmiliri taqilidu?" dégendek pilakatlarni kötüriwalghan iken.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet