Amérikining xitay herbiy tehdidi toghrisidiki qarishi béyjing da'irilirini ghezeplendürdi


2005-02-18
Share

Xitay hökümiti, amérika merkizi axbarat idarisi bashliqining xitayning herbiy jehettiki tereqqiyati teywen boghuzidiki herbiy küchler tengpungliqining bir terepke éghishini keltürüp chiqirishi mumkin, dégen sözini tenqid qilip, amérikini teywen da'irilirige xata signal bérish bilen eyiplidi.

Xitay tashqi ishlar ministirliqi jüme küni xitay metbu'atliri arqiliq bayanat élan qilip, merkizi axbarat idarisi bashliqining yuqiriqi qarishini tenqid qilghan.

Merkizi axbarat idarisi bashliqi portér gos, " xitayning herbiy zamaniwilashturush tirishchanliqi shundaqla xitay herbiy qisimlirining yighilishi, teywen boghuzidiki herbiy küchler tengpungliqining bir terepke éghishini keltürüp chiqirishi mumkin. Xitay herbiy küchining tereqqiyati rayondiki amérika qoshunlirigha tehdit," dep sözligen.

Xitay tashqiy ishlar ministirliqining bayanatchisi kong chüen, gosning sözini "mes'uliyetsizlik bilen qilin'ghan söz," dep körsetti. Kong chüen mundaq deydu: " amérika jonggoning ichki ishlirigha chékidin éship qol tiqmaqta shundaqla teywen musteqilchi küchlirige xata signal bermekte."

Biraq kong chüen, xitayning herbiy küchini tereqqiy qildurush tirishchanliqini tilgha almighan. Portér gos, xitayning teywen boghuzi qarshi qirghiqidiki balistik bashqurulidighan bombilar shundaqla su asti paraxotining sanini ashurghanliqini bildürgen idi.

Kong chüen, béyjingning teywen mesilisini tinch yol bilen hel qilish terepdari, amma teywenning musteqilliqni tallishigha yol qoymaydighanliqini tekitlidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet