Пен тагон: хитайниң һәрбий күчини күчәйтиши тәйвәнниң бихәтәрликигә тәсир көрситиду


2005.05.27
Share on WhatsApp
Share on WhatsApp

Америка дөләт мудапиә министирлиқидики әмәлдарлар, хитайниң һәрбий күчини тәрәққий қилдуруши тәйвән боғузиниң бихәтәрликигә тәһдит селиши мумкин, дәп агаһландурди.

Америка дөләт мудапиә министирлиқиниң асия ишлири бойичә ярдәмчи министири лавлис, алдинқи күни америка дөләт мәҗлисиниң кеңәш палатасида гуваһлиқ берип, гәрчә хитай америка мунасивитидә өзгириш болған болсиму, әмма америка хитайниң һәрбий күчини тәрәққи қилдурушидин келип чиқидиған хәтәргә сәл қаримаслиқи керәк, дәп көрсәтти. Лавлис тәкитлишичә, болупму бу әһвал тәйвән боғузиниң бихәтәрликигә тәсир көрситидикән.

Лавлис мундақ дәйду: :"гәрчә хитайлар тәйвән билән болған ихтилапни тинч йоллар билән һәл қилимиз дегән болсиму, әмма бейҗиң қорал күчи ишлитиш тәйвән мәсилисини һәл қилиштики таллаш йоллириниң бири, дегән идийидин ваз кәчмиди. Униң үстигә хитай армийиси өзлүксиз заманивилашмақта, буларниң һәммиси кишидә гуман туғдуриду".

Бу арида җүмә күни америка ташқи ишлар министири кондилиза райис, хитайни хәлқара сияси сәһнидә баш көтүриватқан амил, дәп көрсәтти. У, хитай - америка оттурисида әқлий мүлк һоқуқини қоғдаш, хәлқ пулиниң қиммитини өстүрүш қатарлиқ мәсилиләр бойичә ихтилап барлиқини тәкитлигән. Әмма у, хитай - америка мунасвитиниң күчийиватқанлиқини әскәртти. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт