Pén tagon: xitayning herbiy küchini kücheytishi teywenning bixeterlikige tesir körsitidu

Amérika dölet mudapi'e ministirliqidiki emeldarlar, xitayning herbiy küchini tereqqiy qildurushi teywen boghuzining bixeterlikige tehdit sélishi mumkin, dep agahlandurdi.

Amérika dölet mudapi'e ministirliqining asiya ishliri boyiche yardemchi ministiri lawlis, aldinqi küni amérika dölet mejlisining kéngesh palatasida guwahliq bérip, gerche xitay amérika munasiwitide özgirish bolghan bolsimu, emma amérika xitayning herbiy küchini tereqqi qildurushidin kélip chiqidighan xeterge sel qarimasliqi kérek, dep körsetti. Lawlis tekitlishiche, bolupmu bu ehwal teywen boghuzining bixeterlikige tesir körsitidiken.

Lawlis mundaq deydu: :"gerche xitaylar teywen bilen bolghan ixtilapni tinch yollar bilen hel qilimiz dégen bolsimu, emma béyjing qoral küchi ishlitish teywen mesilisini hel qilishtiki tallash yollirining biri, dégen idiyidin waz kechmidi. Uning üstige xitay armiyisi özlüksiz zamaniwilashmaqta, bularning hemmisi kishide guman tughduridu".

Bu arida jüme küni amérika tashqi ishlar ministiri kondiliza rayis, xitayni xelq'ara siyasi sehnide bash kötüriwatqan amil, dep körsetti. U, xitay - amérika otturisida eqliy mülk hoquqini qoghdash, xelq pulining qimmitini östürüsh qatarliq mesililer boyiche ixtilap barliqini tekitligen. Emma u, xitay - amérika munaswitining küchiyiwatqanliqini eskertti. (Erkin)