Америка дөләт мудапиә министири, хитайни асия бихәтәрликидики җидди мәсилә, дәп көрсәтти


2005.06.03
Share on WhatsApp
Share on WhatsApp

Америка дөләт мудапиә министири доналд рамсфилд, шимали корийиниң ядро қораллар пилани билән хитайниң һәрбий хам чотини көпәйтиши асия бихәтәрликидики еғи мәсилиләрниң бир қисими, дәп көрсәтти.

Рамсфилд бу сөзни җүмә күни сингапорда чақирилған асия бихәтәрлик йиғинида сөзлигән. Рамсфилд мухбирларға мундақ дәйду: "әгәр хитай иқтисади вә сияси җәһәттики әркин түзүм астида хитай хәлқини һәр хил пурсәтләр билән тәминлисә, техиму көп мувапиқийәтләрни қазиниду."

Хитай һөкүмити йеқинқи он нәччә йилдин бери һәр йили һәрбий хам чотини 17 ٪ әтрапида өстүрмәктә. Йеқинда америкиниң ярдәмчи дөләт мудапиә министири ләвлис, хитайниң һәрбий тәрәққияти тәйвән боғузидики күчләр тәңпуңлиқини өзгәртиветиши мумкин, дәп агаһландурған.

Рамсфилд, шималий корийини башқурулидиған бомба вә дуня ядро қораллар техникиси тарқитиватқан дөләт, дәп әйиблигән. Прездиент буш алдинқи күни ақ сарайдики мухбирларни күтүвелиш йиғинида, хитайни шималий корийә ядро қораллар мәсилидики шерикимиз, дәп көрсәткән иди.

Америка әмәлдарлириниң ашкарилишичә, рамсфилд асия бихәтәрлик йиғини җәрянида японийә, җәнубий корийә вә австралийиниң дөләт мудапиә министирлири билән учрушидикән. Йиғинға қатнашқучилар, өткән йили 12 - айниң 26 - күни һинди окянда сунами долқуниниң һуҗумиға учриған һинди окяндики дөләтләр билән һәмкарлиқ елип бериш мәсилисини музакирә қилиду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.