Amérika dölet mudapi'e ministiri, xitayni asiya bixeterlikidiki jiddi mesile, dep körsetti


2005.06.03
Share on WhatsApp
Share on WhatsApp

Amérika dölet mudapi'e ministiri donald ramsfild, shimali koriyining yadro qorallar pilani bilen xitayning herbiy xam chotini köpeytishi asiya bixeterlikidiki éghi mesililerning bir qisimi, dep körsetti.

Ramsfild bu sözni jüme küni sin'gaporda chaqirilghan asiya bixeterlik yighinida sözligen. Ramsfild muxbirlargha mundaq deydu: "eger xitay iqtisadi we siyasi jehettiki erkin tüzüm astida xitay xelqini her xil pursetler bilen teminlise, téximu köp muwapiqiyetlerni qazinidu."

Xitay hökümiti yéqinqi on nechche yildin béri her yili herbiy xam chotini 17 ٪ etrapida östürmekte. Yéqinda amérikining yardemchi dölet mudapi'e ministiri lewlis, xitayning herbiy tereqqiyati teywen boghuzidiki küchler tengpungliqini özgertiwétishi mumkin, dep agahlandurghan.

Ramsfild, shimaliy koriyini bashqurulidighan bomba we dunya yadro qorallar téxnikisi tarqitiwatqan dölet, dep eyibligen. Prézdi'ént bush aldinqi küni aq saraydiki muxbirlarni kütüwélish yighinida, xitayni shimaliy koriye yadro qorallar mesilidiki shérikimiz, dep körsetken idi.

Amérika emeldarlirining ashkarilishiche, ramsfild asiya bixeterlik yighini jeryanida yaponiye, jenubiy koriye we awstraliyining dölet mudapi'e ministirliri bilen uchrushidiken. Yighin'gha qatnashquchilar, ötken yili 12 - ayning 26 - küni hindi okyanda sunami dolqunining hujumigha uchrighan hindi okyandiki döletler bilen hemkarliq élip bérish mesilisini muzakire qilidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.