Xitaydin kélidighan hujum tehditi yaponiye mudapi'e pilanida yer aldi


2005-09-26
Share

Yaponiyide chiqidighan "asaxi shinbén" gézitining xewer qilishiche, yaponiye mudapi'e ministirliki yéqinda tüzgen bir mudapi'e pilanida, 2008 - yilghiche yaponiye duch kélidighan tehditlerni otturigha qoyghan bolup, buningda xitayning yaponiyige hujum qilish mumkinchiliki barliqini tekitligen.

Yaponiye mudapi'e ministirlikining pilanida tekitlishiche, xitayning yaponiyige ikki xil hujum qilish mumkinchilikining biri, xitay - yaponiye munasiwiti jiddileshkende, xitay ikki dölet otturisida talash tartishtiki xitaylar teripidin dyawyüydaw, dep atalghan sankako taqim arallirini ishghal qilish, ikkinchi teywen boghuzida toqunush partlighanda xitay amérikining yaponiyidiki herbiy eslihelirige hujum qilishi mumkin. Emma yaponiye mudapi'e ministirlikining doklatida xitayning yaponiyige hujum qilish mümkinchiliki az, dep tekitligen.

Yaponiye mudapi'e ministirlikining doklati, xitay - yaponiye otturisida sherqiy déngiz rayonidiki bezi arallarning igilik hoquqini talishish kürishi ötkürleshken bir chaghda élan qilindi.

Del mushu chaghda, xitaylar " béyjyen 2005" namliq herbiy manéwir ötküzidighanliqini jakarlidi. Xitay dölet mudapi'e minisitrlikidiki da'irilerning tekitlishiche, "béyjyen" manéwirning shimalda ötküzilidighanliqini shundaqla "jyen" tuyuqsiz zerbini ipadileydiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet