Meslihetchiler ömiki amérikini xitayning herbiy küchige sel qarimasliqqa agahlandurdi


2005-12-15
Share

Amérikidiki dangliq meslihetchiler ömiki charshenbe küni yéngi tetqiqat doklatini élan qilip, amérika hökümitini xitayning herbiy küchige sel qarimasliqqa agahlandurdi.

Amérikidiki konsérwatip meslihetchiler ömiki bolghan xadsén inistitoti xitayning herbiy küchi heqqidiki tetqiqat netijisige asasen, "xitayning téz éshiwatqan téxnika ilgharliqining özi, amérika hökümitining téximu ilghar we küchlük qorallarni tereqqiy qildurushi üchün choqum jiddiy pilan tüzüp chiqishi kéreklikidin dérek béridu" dep körsetken.

Mezkur doklatta yene, xitayning kéyinki yérim esirde yuqiri téxnika we herbiy küchini zor derijide ilgiri süridighanliqini eskertip, amérika hökümitini "térrorchiliqqa qarshi urush" hemde ottura sherq we ottura asiyaning démokratiyilishishi bilen heddidin ziyade aldirash bolup kétiwatqanliqini agahlandurdi.

Xadsén inistitoti doklatida yene, amérikining paris qoltughi urushida ishletken ilghar herbiy qorallirining xitayni heyran qaldurghanliqini, emma ikki dölet otturisidiki herbiy perqning hazir barghanséri kichiklewatqanliqini éytip, "eger amérika dawamliq xitayning herbiy küchige sel qarawerse, uzun'gha qalmay xitay amérikini goya mashinining aldidiki kiyiktek tutiwalidu. Xuddi amérika 1991 ‏- yili xitayni shundaq qilghandek" dédi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet