Yaponiye tashqi ishlar ministiri xitay tehditi heqqide toxtaldi


2005-12-22
Share

Yaponiye tashqi ishlar ministiri taro asu peyshenbe küni "yadro qorallirigha ige bolghan hemde herbiy xamchotni toxtimastin ashuruwatqan xitay, yaponiye üchün melum derijide tehdit" dep bildürdi.

Toro asu muxbirlarni kütiwélish yighinida " bizge qoshna bolghan bu dölet yadro qoraligha ige bolupla qalmastin 12 yildin béri herbiy xamchotni toxtimastin ashurup, burunqidin ikki hesse köpeytti, uning üstige xitay siyasitining ochuq - ashkara bolmasliqi qatarliqlar bu döletning yaponiye üchün bir tehdit ikenlikini körsitidu" dédi.

Yaponiye tashqi ishlar ministirliqi bayanatchisining bildürüshiche, tokyo héchqachan xitayning herbiy küchini özi üchün biwaste tehdit dep qarimaydiken.

Bu arida xitay tashqi ishlar ministirliqi bayanatchisi ching gang "junggo ezeldinla ténchliq shekilde tereqqi qilish yolini talliwalghan, junggoning tereqqiyati rayon we dunyaning ténchliqi hemde muqimliqi üchün töhpe qoshti, bolupmu yaponiyini ichige alghan asiya döletliri üchün zor tereqqiyat pursiti yaratti, yaponiye tashqi ishlar ministiri 'junggoning alahide bir tehdit ikenliki' heqqidiki bu nezeriyisige mes'ul bolushi kérek " dep naraziliqini bildürdi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet