"Җуңгода тән җазаси ишлитиш омумйүзлик мәвҗут әһвал"


2006.03.31

Б д т ниң тән җазасини тәкшүрүш бойичә алий дәриҗилик назарәтчиси манфрид новак, пәйшәнбә күни "мәҗбурий иқрар қилдуруш асасиға қурулған" хитай әдлийә сестимисини тәнқид қилди вә йәрлик әмәлдарларниң тән җазаси ишлитиш әһвали хитайда мәмликәт характерлик мәсилә болсиму, лекин җавабкарлиққа тартилмайдиғанлиқини билдүрди.

Манфрид новак, пәйшәнбә күни мухбирларға хитайда тән җазасиниң асасий қатламларда сиясий мәһбусларға қаритилғанлиқини әскәртип, хитай әдлийә сестимисиниң гумандарларни мәҗбурий иқрар қилдуруш асасиға қурулғанлиқини тәкитлиди. У, " харлаш вә тән җазаси бериш сәвәби асаслиқи йәнила кона түзүлмигә берип тақилиду. Җамаәт хәвпсизлик хадимлири мәҗбурий иқрар қилдуруш тәлипиниң еғир бесимиға учримақта " дәйду.

Новакниң әскәртишичә, у хитайниң һазирқи әдлийә сестимиси" гумандарларниң ахирқи һесабта җинайитини иқрар қилишиға наһайити әһмийәт беридиғанлиқини байқиған. У йеқинда өткән йили үрүмчи, лахаса қатарлиқ җайлардики бәзи хитай түрмилири үстидин елип барған тәкшүрүш хатириси бойичә доклат һазирлап, хитайда әдлийини мустәқил назарәт қилидиған сестима камлиқини оттуриға қойди.

У, доклатта " җуңго бойичә тән җазасини әмәлдин қалдуруштики әң чоң тосалғу назарәт қилиш органлириниң аҗиз икәнлики вә әдлийә сестимисиниң мустәқил әмәслики " дәйду. Новакниң әскәртишичә, у хитайниң шиняң шәһиридики "шиҗятун йиғивелиш лагири" ға нәччә миңлиған фалунгуң муритлириниң қамалғанлиқи вә бәзилириниң өлтүрүлгәнлики һәққидики учурни тәкшүрмәктә икән.

Йеқинда фалунгоң тәриқити "шиҗятун йиғивелиш лагири" ға 6 миң нәпәр фалунгуң муритиниң қамалғанлиқини вә бир қисим муритлар өлтүрүлгәндин кейин ички органлири чиқиривелинип сетилғанлиқини оттуриға қойған. Лекин хитай ташқий ишлар министирлиқи буни рәт қилған иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.