Америка авам палатаси хитайниң кишилик һоқуқ вә пиланлиқ туғут сияситини тәнқид қилди


2004-12-15
Share

Америка авам палатасиниң ташқи ишлар комитети сәйшәнбә күни гуваһлиқ бериш йиғини өткүзүп, хитай кишилик һоқуқ хатириси вә бейҗиң һөкүмитиниң пиланлиқ туғут сияситини тәнқид қилди. Америка ташқи ишлар министирлиқиниң нопус, мусапирлар вә көчмәнләр мәсилиси бойичә ярдәмчи ташқи ишлар министири артур дәйвей гуваһлиқ берип, бир пәрзәнтлик сиясити кишилик һоқуққа қилинған қопал иғвагәрчилик болупла қалмай, әрләр билән аяллар нопусиниң тәңпуңлиқини бузмақта, дәп көрсәтти. У, хитайда мәҗбури бала чүрүрүшниң йәнила омуми йүзлүк әһваллиқини әскәртип, бирақ бу әһвалниң йеқиндин бери юмшашқа башлиғанлиқини тәкитлигән.

Америка дөләт мәҗлиси вә буш һөкүмитиниң қаришичә, б д т нопус фонди җәмийити, хитайниң пиланлиқ туғут сияситини зорлуқ күч билән иҗра қилишиға ярдәм бериватиду. Шуңа буш һөкүмити б д т нопус фонди җәмийитгә беридиған ярдәм пулни тохтитип қойған. ярдәмчи ташқи ишлар министири артур дәйвей, хитайниң пиланлиқ туғут сияситини яхшилаш җәһәттики тиришчанлиқи, америкиниң ярдәмни әслигә кәлтүрүши үчүн йитәрлик әмәс, дәп көрсәткән.

Йиғинға риясәтчилик қилған авам палата әзаси кристофир симит, "кишини йиргәндүридиғини, бир пәрзәнтлик сиясәтниң зорлуқ күч билән изчил вә системилиқ елип бериливатқанлиқи" дәп тәкитлигән. Америка ташқи ишлар министирлиқиниң кишилик һоқуқ мәсилилири бойичә ярдәмчи ташқи ишлар министири майкил козак, хитай һөкүмити террорчилиққа қарши туруш урушини баһанә қилип, уйғурларни шундақла диний затларни бастуриватқанлиқини илгири сүргән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт