Amérika tashqi ishlar ministirliki térorchiliqning hazirqi weziyiti toghrisida doklat élan qildi


2007-05-02
Share

30 ‏- April amérika tashqi ishlar ministirliki térorchiliqning dunyadiki hazirqi weziyiti toghrisida doklat élan qildi.

Mezkur doklatta térrorchiliq bilen biwaste yaki wastiliq munasiwetlik orunlar yaki amérikining térrorchiliqqa qarshi urushini qollighan dölet, rayonlarning hazirqi ehwali tonushturulghan. Jümlidin xitay hökümitining amérikining xelq'ara térrorchiliqqa qarshi turush kürishide amérikini qollap kelgenliki tilgha élin'ghan.

Doklatta, béyjingning hazirgha qeder Uyghurlarning xitayning dölet ichi muqimliqigha dexli qilip kéliwatqanliqi heqqidiki qarashliri üstide toxtilip mundaq déyilgen: "béyjing, xitay térritoriyisi ichidiki térrorchilardin endishe qilidighanliqini we shinjyangdiki azsanliq millet Uyghurlarning bezi bir qismining xitayning ichki muqimliqigha tehdit bolup turuwatqanliqini izchil tekitlep keldi."

Emma xitay heqqide toxtalghan mexsus bir bölekte "bu yil xitayda héchqandaq térrorluq weqesi yuz bermidi " déyilgen.

Lékin, alahide tilgha élishqa erziydighan yéri shuki, mezkur doklatta, xitayning térrorluqqa zerbe bérishni bahane qilip turup Uyghur musulmanlarni izchil basturup kéliwatqanliqi seweblik, kishilik hoquq teshkilatlirining xitayni eyiblep kelgenliki alahide tilgha élin'ghan.

Uningdin bashqa yene, amérika qoshma shtatlirining afghanistanda qolgha chüshken besh neper Uyghurni gunahsiz dep aqlap xitayning naraziliqigha qarimay ötken yili mayda gu'entanamo türmisidin albaniyege yolgha salghanliqi bayan qilin'ghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet