Шимали осситийәдики гөрүгә еливелиш кризиси қәтлиам билән ахирлашти


2004-09-03
Share

Русийиниң шимали осситийә җумһурийитидики бир оттура мәктәпни гөрүгә еливалған қораллиқ унсурлар билән русийә аманлиқ күчлири оттурисидики тоқунушқа 150 дәк адәм өлди.

Беританийә радио телевизийә ширкити б б с ниң хәвәр қилишичә, аз дегәндә гөрүдики 150 адәм русийә аманлиқ қисимлириниң қутқузуш һәрикити җәрянида өлгән. Тутқунларни гөрүгә алған 20 дәк қораллиқ унсур етип өлтүрүлгән. Хәвәрләрдә гөрүгә алғучилар ичидики 13 киши қечип кәткән. Русийә аманлиқ даирилириниң билдүрүшичә , гөрүгә алғучилар ичидики 3 киши бир қисим тутқунларни һазирғичә мәктәп қорасидики бир бинада гөрүгә тутуп турмақта икән .

Америка бирләшмә агентлиқи, қутқузуш һәрикити җәрянида 490 кишиниң яриланғанлиқини хәвәр қилған . Русийә мәтбуатлири, русийә қораллиқ қисимлири тәрипидин өлтүрүлгән 20 дәк гөрүгә алғучилар ичидики 10 дәк кишиниң әрәп икәнлигини елан қилди . Гөрүгә елинған тутқунларниң 1200 гә йетидиғанлиқи илгири сүрүлмәктә. Гөрүгә елинғанларниң 70 ٪ өсмүрләр, қалғини ата - ана вә оқутқучилар иди. Қораллиқ унсурлар 1 - сентәбир күнидики оқуш башлаш мурасимида мәктәпни гөрүгә алған. Америка, осситийидики гөрүгә елиш вәқәсини вәһшийләрчә террорлуқ һәркәт дәп әйиплиди. (Әркин)

5- Сентәбир Русийидики гөрүгә елиш вәқәсидә өлгәнләрниң дәпнә мурасими өткүзүлди

6- Сентәбир Шималий оссетийә вәқәси һәққидики инкаслар

7- Сентәбир Шималий оссетийә вәқәси вә путин

8- Сентәбир Руссийә чечән рәһбәрлирини тутуш мукапати елан қилди

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт