Amérika junggogha sayahet agahlandurushini bikar qildi


2006.06.17
Share on WhatsApp
Share on WhatsApp

Qoshma shtatlar jüme küni xitayda bolupmu xitayning chong sheherliride amérika nishanlirining térrorluq tehditke uchrash mumkinchiliki heqqide ötken hepte élan qilghan agahlandurushini bikar qildi. Amérikining béyjingda turushluq bash elchixanisi jüme küni bayanat élan qilip, 9 - iyunda élan qilghan we amérika puqralirigha yollighan uqturushining bikar qilin'ghanliqini bildürdi.

Amérika elchixanisining ötken hepte élan qilghan agahlandurushida, ispatlanmighan uchurlargha asasen béyjing, shangxey we gu'angju qatarliq sheherlerdiki amérika nishanliri, bolupmu chérkaw, mektep, résturant we shuninggha oxshash amérikiliqlar yighilidighan bezi ammiwiy sorunlar tehdit astida bolushi mumkin, dep tekitligen idi.

Amérika elchixanisi jüme küni élan qilghan bayanatida " chongqurlap tekshürüsh we junggo da'iriliri bilen bolghan muzakirilerdin kéyin, amérika hökümiti 2006 - yili 9 - iyun küni élan qilin'ghan uchurdin ensireshke kérek qalmidi, dep qarimaqta" deydu. Buningdin bir kün ilgiri béyjing hökümiti térrorluq tehditi heqqidiki agahlandurush üstidin tekshürüsh élip barghanliqini , chet'elliklerni we junggodiki chet'el eslihelirini qoghdaydighanliqini bildürgen.

Roytérs axbarat agéntliqi jüme künki xewiride junggo en'ene boyiche térrorluq hujumning uwisi bolmisimu, lékin béyjing hökümiti gherbiy - shimaldiki shinjangda nopusi musulmanlarni asas qilghan Uyghurlarni zorawanliq wastilar bilen sherqiy türkistan döliti qurimiz, dep bi'aram qiliwatidu, dep eyiblimekte, dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.