تونىي بلېير ئەنگلىيىدىكى ئىسلام دىنى رەھبەرلىرى بىلەن كۆرۈشتى


2005.07.19
Share on WhatsApp
Share on WhatsApp

ئەنگلىيە باش مىنىستىرى تونىي بلېير ئەنگلىيىدىكى ئىسلام دىنى رەھبەرلىرى بىلەن كۆرۈشۈپ، لوندوندا يۈز بەرگەن پارتلاش ۋەقەسى ئۈستىدە مۇزاكىرىلەشتى.

ئەنگلىيە ب ب س رادىئو-تېلېۋىزىيە شىركىتىنىڭ خەۋىرىگە قارىغاندا، تونىي بلېير ئىسلام دىنى رەھبەرلىرى بىلەن كۆرۈشكەندە، پارتلاش ۋەقەسىنى سادىر قىلغۇچى ئەنگلىيە ياشلىرىنىڭ قانداق قىلىپ ئۆزىنى ئۆلتۈرۈۋېلىش خاراكتېرىدە پارتلىتىپ ھۇجۇم قىلغۇچىغا ئايلىنىپ قالغانلىقىنى ۋە دىنىي رادىكالنى تەشۋىق قىلغۇچىلارغا قانداق تاقابىل تۇرۇش قاتارلىق بىر يۈرۈش مەسىلىلەرنى ئوتتۇرىغا قويدى.

بۇ ئارىدا ئەنگلىيە مالىيە مىنىستىرى براۋن پارتلاشتا زەخمىلەنگۈچىلەرگە ياردەم قىلىش ۋە ساقچى كۈچىنى ئاشۇرۇش ئۈچۈن 20 مىليون پوندستېرلىڭ ئاجرىتىدىغانلىقىنى بىلدۈردى. بۇنىڭ ئالدىدا ھۆكۈمەت قۇتقۇزۇش ئىشلىرى ئۈچۈن 10 مىليون پوندستېرلىڭ ئاجراتقان ئىدى.

ئەنگلىيە پايتەختى لوندوندا ئىككى ھەپتىنىڭ ئالدىدا يۈز بەرگەن پارتلاشتا جەمئىي 52 كىشى قازا قىلىپ، 700 دىن كۆپ كىشى يارىلانغان ئىدى. بۇ ئەنگلىيىدە يۈز بەرگەن تۇنجى قېتىملىق ئۆزىنى ئۆلتۈرىۋېلىش خاراكتېرلىك پارتلاش ۋەقەسى بولۇپ ھېسابلىنىدۇ. (پەرىدە)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.