Toniy bléyr en'gliyidiki islam dini rehberliri bilen körüshti
2005.07.19
En'gliye bash ministiri toniy bléyr en'gliyidiki islam dini rehberliri bilen körüshüp, londonda yüz bergen partlash weqesi üstide muzakirileshti.
En'gliye b b s radi'o-téléwiziye shirkitining xewirige qarighanda, toniy bléyr islam dini rehberliri bilen körüshkende, partlash weqesini sadir qilghuchi en'gliye yashlirining qandaq qilip özini öltürüwélish xaraktéride partlitip hujum qilghuchigha aylinip qalghanliqini we diniy radikalni teshwiq qilghuchilargha qandaq taqabil turush qatarliq bir yürüsh mesililerni otturigha qoydi.
Bu arida en'gliye maliye ministiri brawn partlashta zexmilen'güchilerge yardem qilish we saqchi küchini ashurush üchün 20 milyon pondstérling ajritidighanliqini bildürdi. Buning aldida hökümet qutquzush ishliri üchün 10 milyon pondstérling ajratqan idi.
En'gliye paytexti londonda ikki heptining aldida yüz bergen partlashta jem'iy 52 kishi qaza qilip, 700 din köp kishi yarilan'ghan idi. Bu en'gliyide yüz bergen tunji qétimliq özini öltüriwélish xaraktérlik partlash weqesi bolup hésablinidu. (Peride)
Munasiwetlik maqalilar
- Londondiki partlash weqesini sadir qilghuchi gumandarlar en'giliye grazhdani
- En'giliye saqchiliri londonda normal hayatning eslige kélishini teshebbus qilmaqta
- En'giliye saqchiliri partlash weqesidin kéyin 3 kishini qolgha aldi
- Londondiki partlash weqeside ölgenler sani 50 ke yetti
- En'giliyining paytexti londonda yüz bergen partlashlarda nurghun kishi öldi we yarilandi