Xitayning pakistandiki elchixanisi tehdit xéti tapshuruwalghan


2005-11-08
Share

Pakistanning lohor shehiride in'gliz tilida chiqidighan " kündilik waqit" gézitining xewer qilishiche, xitayning pakistanda turushluq diplomatiye organliri yéqinda xitay chong quruqluqi we xongkongdiki sayahet nishanlirigha hujum qilidighanliqini agahlandurghan tehdit xéti tapshuruwalghandin kéyin, pakistan da'iriliridin tekshürüsh élip bérish we uchur bilen teminleshni telep qilghan.

Tehdit xéti 31 - öktebirde xitayning karachi shehiridiki konsulxanisigha faks arqiliq yollan'ghan bolup, uningda hujumni élip baridighan gumanliq kishi hujumning " bir qanche kün ichide" élip bérilidighanliqini tilgha alghan.

" Kündilik waqit" géziti, islam'abadtiki xitay elchixanisining pakistan da'irilirige resmiy iltimas sun'ghanliqini xewer qildi. Uyghurche tarqitilidighan " munber" tor bétining ilgiri sürüshiche, tehdit xéti "baza " dep atilidighan bir teshkilat teripidin yollan'ghan.

Xitay elchixanisi, islami térrorluq guruhining xitay chong quruqluqi we xongkongda ali derijilik méhmanxana we bashqa sayahet orunlirigha hujum qozghaydighanliqi toghrisida uchur alghanliqini uqturghan.

Bu xewerni" kündilik waqit" géziti, pakistan tashqi ishlar ministirliqidiki menbe'elerdin alghan bolup, emma tehdit xétide tilgha élin'ghan shexsning ismini ashkarilimighan. Xitay hökümiti buningdin ilgiri sherqiy türkistan azadliq teshkilatini Uyghur aptonom rayoni qurulghanliqining 50 yilliqini tebriklesh pa'aliyiti jeryanida térrorluq herikiti élip bérishni pilanlimaqta, dep eyibligen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet