Xitay pursettin paydilinip dunyadiki tesir küchini kücheytmekte


2005-02-03
Share

Amérikidiki bir qisim analichilar, amérika küchini térrorchiliqqa qarshi urushqa merkezleshtürgen pursettin paydilinip, xitay hökümitining dunyadiki tesir küchini ashuriwatqanliqini bildürdi.

Fransiye axbarat agéntliqining xewirige qarighanda, amérika merkizi axbarat idarisining sabiq dériktori jeymis wulsi qatarliq axbarat ishliri mutexessisliri, amérika dölet mejlisi awam palatasi axbarat komitétigha, xitayning nöwette amérikining asiya we bashqa rayonliridiki menpe'etige tehdid élip kéliwatqanliqini doklat qilghan.

Jeymis wulsi, béyjing hökümitining iqtisadining éshishigha egiship, xelq'aradiki siyasiy küchini ashuriwatqanliqini bildürüp: "hökümitimiz zor küch bilen ottura sherq weziyitini bir terep qiliwatidu. Biraq biz kelgüside, xitay bilen toqunushup qélish éhtimalliqighimu sel qarisaq bolmaydu. Mesilen, teywen boghuzida" digen.

Xewerge qarighanda, amérika awam palatasining ezaliri,amérikining asiyadiki ishlargha köprek diqqet- étibarini bérishning zörürlikini étirap qilghan. Awam palata ezasi jéyin xarman "biz xitaydin endishe qilip kéliwatimiz, biraq bu ikki yildin buyan asasliq diqqet -étibarimiz xitayda bolmidi. Biz choqum xitaydiki mesililerge téximu köngül bolimiz" dep körsetken.

Xewerde éytilishiche, amérika axbarat ishliri mutexessisliri otturigha qoyghan yene bir mesile, yawrupa birlikining xitaygha 15 yildin buyan yürgüzüp kéliwatqan qoral sétip bermeslik cheklimisini bikar qilishi mumkinchiliki bolup, ular amérika hökümitining bu heqte yawrupa birlikige qattiq bésim ishlitishini telep qilghan. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet