Mutexessisler amérika dölet mejliside xitayni yoshurun tehdit dep körsetti


2005-02-07
Share

Amérika merkizi axbarat idarisi shundaqla dölet mudapi'e ministirliqidiki yuqiri derijilik emeldarlar, xitayni amérika duch kéliwatqan eng chong tehdit, dep körsetti. Yuqiriqi emeldarlarning bildürüshiche, térrorchiliqqa qarshi urush bush hökümitining xitaydin kélidighan tehditke qarita diqqitini chéchiwetken.

Amérika merkizi axbarat idarisining sabiq bashliqi wolséy, ötken hepte awam palatasining axbarat komitétitida guwaliqtin ötüp, " eger amérikigha kélidighan asasliq tehditlerdin 4 - 5 ni sanap bérishke toghra kelse, men xitay, shimali koriye we ottura sherqtiki üch mustebitler herkitini sanighan bolattim," dep tekitligen. Wolséyning bildürüshiche, bir partiye hökümranliqidiki xitay köp xil muqimsizliq amillirigha duch kelmektiken.

U, xitayning bashqilar bilen toqunush peyda qilip, ichki zidiyetni sirtqa burash ihtimalliqi chong, dep tekitligen. Yighinida amérika dölet mudapi'e ministirliqining sabiq yardemchi ministiri kambérliy guwaliq bergen. U, bush hökümitining diqqitini térorchiliqqa qarshi urushqa merkezleshtürüp, xitaydin kélidighan tehditke sel qarighanliqini bildürgen.

U mundaq deydu: "méningche eger biz asiyaning bixeterliki shundaqla xitayning bash kötürüshige diqqet qilmisaq, kelgüside éghir tehditke duch kélishimiz mumkin." Wolséy sabiq prézidént klinton dewride 1993 -yildin 1995 -yilghiche merkizi axbarat idarisining bashliqi bolghan. Kimbérliy, dölet mudapi'e ministirliqining xelq'ara bixeterlik siyasitige mes'ul yardemchi ministirliq wezipisini ötigen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet