Amérika xitaygha ilghar téxnik éksport üstidiki kontrolluqini kücheytti


2007-06-16
Share

Amérika hökümiti, amérikidin xitaygha qilinidighan ilghar téxnik éksporti üstidiki kontrolluqni kücheytip, yéngi belgilimiler yolgha qoydi. Jüme küni amérika soda minstirliqi teripidin élan qilin'ghan yéngi tedbirler ayropilan, ayropilan matori we ilghar alaqe üskünliri qatarliq 20 türdiki ilghar téxnik mehsulatning xitaygha éksportni qattiq kontrol qilishni öz ichige alidighan.

Amérika soda minsitiri karlos gutéres jüme küni bu munasiwet bilen élan qilghan bayanatida, "bügün élin'ghan qararlar hem milliy bixterlikimiz hem amérika éksport sodigerliri hemde amérikida ish imkaniyiti yarti'ish üchün paydiliq" dep, körsetti.

Amérika hökümiti we amérika dölet mejliside xitayning amérikidin import qilghan ilghar téxnikidin herbiy téxnikisni kücheytish üchün paydiliniwatqanliqi toghrisidiki endishiler köpeymekte.

Xewerlerge qarighanda, amérika hökümiti buningdin sirt yene xitaygha ilghar téxnik éksport qilishta yéngi programma yolgha qoyidighan bolup, bu programmigha asasen xitaydiki " ishenchlik xéridarlar" éksport tijaret guwahnamisi bolmisimu, amérikidin ilghar téxnik üskünliri import qilalaydiken.

Amérika hökümet xadimlirining bildürüshiche, xitay shirketliri " ishenchilik xéridar" tizimlikige kirish üchün , amérikining ilghar téxniksni herbiy meqsetler üchün ishlitilmigenlikini ispatlishi kérek iken. Bundaq shirketler buningdin sirt yene kimning igidarchiliqida ikenliki hemde pul mu'amililiri heqqide amérika hökümitige melumat bérip, amérika hökümitning shirketlerning zawutlirini tekshürüshini qobul qilishi kérek iken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet