Америка һәрбий әмәлдари: америка тәйвәнни қоғдаш иқтидариға игә


2007.07.25
Share on WhatsApp
Share on WhatsApp

Сәйшәнбә күни америкиниң асия- тинч окян районидики һәрбий қомандани, әгәр тәйвән хитайниң һуҗумиға учриса, америкиниң тәйвәнгә ярдәм бериш учун тезлик билән әскәр йөткәш иқтидариға игә икәнликини көрсәтти.

Америка адемирали тимтй китиң америка пайтәхти вашингтонда истратегийә вә хәлқара тәтқиқат җәмийити тәрипидин орунлаштурулған бир муһакимә йиғинида оттуриға қоюлған, һазир америка ирақ вә афғанистандики уруш патқиқиға петип қалған шараитта, әгәр тәйвән билән хитай арисида уруш партлап қалса, америка җиддий инкас қайтуруш иқтидариға игиму дегән соалға қарита, америкиниң тәйвән боғузини оз ичигә алған , дуняниң һәрқандақ бир йеридики кризисқа тезликтә инкас қайтуруш иқтидариға игә икәнликини көрситип өтти.

У гәрчә америкиниң "өзи мәсул җайларда" бурунқиға қариғанда азрақ қошуни болсиму, әмма, қошунни тиз йөткәш иқтидариға игә икәнликини тәкитлиди вә "бизниң башқа җайлардики һәрбий илгириләшләрни көзитип туридиған һәрхил васитилиримиз вә илғар анализ қилиш усуллиримиз бар. Бу бурунқидин нәччә һәссә илғар. Болупму, тәйвән боғузиға кәлсәк, биз у йәргә қисқа вақит ичидә нурғун әскәр йөткийәләймиз " деди.

Тәйвәнниң мустәқилчи президенти чен шүйбйән, тәйвәнниң мустәқиллиқини тәрғиб қилип омумий хәлқ рай синаш паалийәтлирини елип барған вә мушу сәвәб түпәйли хитай билән тәйвән арисидики җиддийчилик техиму күчәйгән иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.