Amérika herbiy emeldari: amérika teywenni qoghdash iqtidarigha ige


2007-07-25
Share

Seyshenbe küni amérikining asiya- tinch okyan rayonidiki herbiy qomandani, eger teywen xitayning hujumigha uchrisa, amérikining teywen'ge yardem bérish uchun tézlik bilen esker yötkesh iqtidarigha ige ikenlikini körsetti.

Amérika adémirali timty kiting amérika paytexti washin'gtonda istratégiye we xelq'ara tetqiqat jem'iyiti teripidin orunlashturulghan bir muhakime yighinida otturigha qoyulghan, hazir amérika iraq we afghanistandiki urush patqiqigha pétip qalghan shara'itta, eger teywen bilen xitay arisida urush partlap qalsa, amérika jiddiy inkas qayturush iqtidarigha igimu dégen so'algha qarita, amérikining teywen boghuzini oz ichige alghan , dunyaning herqandaq bir yéridiki krizisqa tézlikte inkas qayturush iqtidarigha ige ikenlikini körsitip ötti.

U gerche amérikining "özi mes'ul jaylarda" burunqigha qarighanda azraq qoshuni bolsimu, emma, qoshunni tiz yötkesh iqtidarigha ige ikenlikini tekitlidi we "bizning bashqa jaylardiki herbiy ilgirileshlerni közitip turidighan herxil wasitilirimiz we ilghar analiz qilish usullirimiz bar. Bu burunqidin nechche hesse ilghar. Bolupmu, teywen boghuzigha kelsek, biz u yerge qisqa waqit ichide nurghun esker yötkiyeleymiz " dédi.

Teywenning musteqilchi prézidénti chén shüybyen, teywenning musteqilliqini terghib qilip omumiy xelq ray sinash pa'aliyetlirini élip barghan we mushu seweb tüpeyli xitay bilen teywen arisidiki jiddiychilik téximu kücheygen idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet