Америка б д т дин, тәйвән хитайниң бир қисими дегән баянатини түзүтишини тәләп қилмақта


2007-08-12
Share

Тәйвәнниң америкида турушлуқ вәкилиниң муавини хуаң вефең, шәнбә күни америкида яшаватқан бир қисим тәйвәнликләр билән өткүзгән сөһбитидә, америка һөкүмити б д т баш катиблиқ идарисидин, тәйвән хитай хәлқ җумһурийитиниң бир қисими дегән баянатини түзүтишини тәләп қилмақта дәп, билдүргән.

Тәйвән депломатиниң ейтишичә, америка һөкүмити, б д т баш катиби пан ки мондин, март ейида тәйвәнниң б д т ниң аяллар һоқуқи тоғрисидики шәртнамисигә қол қоюш тәлипини рәт қилип язған хетидики ипадилирини түзүтишини тәкитлимәктә икән.

Хәвәрләргә қариғанда, б д т баш катиби мәзкур хетидә, б д т ниң 2758 номурлуқ қарарини әскәртип, тәйвәнни хитай хәлқ җумһурийитиниң бир қисими дәп көрсәткән .

Б д т баш катибиниң бу баянатини рәт қилған тәйвән вәкили," б д т ниң 2758 номурлуқ қарари пәқәт хитай хәлқ җумһурийитини, хитайниң қанунлуқ һөкүмити дәп етирап қилип, тәйвәнниң б д т дики орнини хитайға бәргән, лекин мәзкур қарарда һечқачан тәйвәнни хитайниң бир қисими дәп етрап қилинмиған" дәп көрсәтти.

Тәйвән вәкили, б д т баш катибиниң бундақ баянат бериш арқилиқ чоң бир хаталиқ өткүзгәнликини тәкитләп "әгәр бу хаталиқ түзүтүлмисә, тәйвәнниң игилик һоқуқиға игә бир дөләт сүпитидә хәлқаралиқ тәшкилатларға әза болуш һәрикити чоң тосалғуларға учрайду" деди. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт