Amérika b d t din, teywen xitayning bir qisimi dégen bayanatini tüzütishini telep qilmaqta


2007-08-12
Share

Teywenning amérikida turushluq wekilining mu'awini xu'ang wéféng, shenbe küni amérikida yashawatqan bir qisim teywenlikler bilen ötküzgen söhbitide, amérika hökümiti b d t bash katibliq idarisidin, teywen xitay xelq jumhuriyitining bir qisimi dégen bayanatini tüzütishini telep qilmaqta dep, bildürgen.

Teywen déplomatining éytishiche, amérika hökümiti, b d t bash katibi pan ki mondin, mart éyida teywenning b d t ning ayallar hoquqi toghrisidiki shertnamisige qol qoyush telipini ret qilip yazghan xétidiki ipadilirini tüzütishini tekitlimekte iken.

Xewerlerge qarighanda, b d t bash katibi mezkur xétide, b d t ning 2758 nomurluq qararini eskertip, teywenni xitay xelq jumhuriyitining bir qisimi dep körsetken .

B d t bash katibining bu bayanatini ret qilghan teywen wekili," b d t ning 2758 nomurluq qarari peqet xitay xelq jumhuriyitini, xitayning qanunluq hökümiti dep étirap qilip, teywenning b d t diki ornini xitaygha bergen, lékin mezkur qararda héchqachan teywenni xitayning bir qisimi dep étrap qilinmighan" dep körsetti.

Teywen wekili, b d t bash katibining bundaq bayanat bérish arqiliq chong bir xataliq ötküzgenlikini tekitlep "eger bu xataliq tüzütülmise, teywenning igilik hoquqigha ige bir dölet süpitide xelq'araliq teshkilatlargha eza bolush herikiti chong tosalghulargha uchraydu" dédi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet