Taylandta herbiyler hökümetke qarshi siyasiy özgirish qozghidi

Taylandta herbiyler charshenbe küni bash ministir taksén shinawatradin hoquqni ötküzüwélip, paytext bankok kochilirida herbiy halet élan qildi.

Tayland armiyisining shtab bashliqi général sondi bunyaratkélin, tayland buyiche herbiy halet élan qilin'ghanliqini we asasiy qanunning tonglitilghanliqini élan qilghan. Tayland herbiy qisimliri charshenbe küni bash ministir taksénning ishxanisini qamal qilip, téléwizor istansisini kontrol qildi we hoquqning waqtinche padishahgha ötküzüp bérilidighanliqini jakarlidi.

Herbiy terep élan qilghan buyruqnamide, " paytext bankokning herbiy we saqchilar teripidin ötküzüwélin'ghanliqi tekitlen'gen. Tayland herbiy terep bayanatchisi, " emdi hökümet döletni idare qilmaydu " dep bayanat berdi. Siyasiy özgirish jeryanida ölüm - yitim weqesi yüz bermigen.

Bu 1992 - yildin béri taylandta yüz bergen tunji herbiy siyasiy özgirish bolup hésablinidu. Weqe yüz bergende bash ministir takséin nyu - yorkta idi. U bu yerge b d t omumi qurultiyigha qatnishish uchün kelgen. Taksén, herbiy qisimlarni gazarmigha qaytishqa chaqirdi we shtab bashliqi sondi bunyaratkélinni wezipisidin élip tashlighanliqini élan qildi. (Erkin)