Тибәтләр, афенадики олимпик йиғининиң йепилиш мурасимида хитайларға наразилиқ билдүрди

Тибәт паалийәтчилири атинадики олимпик тәнтәрбийә йиғининиң йәкшәнбә күнки йепилиш мурасимида тибәт байриқини чиқирип , 2008 - йилдики олимпик тәнтәрбийә йиғининиң саһипхан дөлити болған хитайниң кишилик һоқуқ хатирисигә наразилиқ билдүрди.

Тибәтлик паалийәтчиләр , тибәт байриқини қаттиқ бихәтәрлик тәдбирлири астидики олимпик йиғининиң йепилиш мурасими өткүзилгән тәнтәрбийә сарийиға мувапиқийәтлик әкирип , йепилиш мурасими башлинишдин бир қанчә минут бурун тибәт байриқини чиқарған . Бирақ тибәтләрниң қолидики байрақ билән тибәт байриқи чүшүрилгән майкилар әтраптики сақчилар тәрипидин йиғивелинди .

Ройтерс ахбарат агентлиқиниң хәвәр қилишичә , хәлқара тибәт һәркитиниң баянатчиси тәнзин севу , бейҗиң билән хитай тибәтләрниң кишилик һоқуқини дәпсәидә қилип туруп олимпик йиғини өткүзишкә лайиқ әмәс дәп көрсәткән . 2008 - Йилдики олимпик йиғини бейҗиңда өткүзилиду . Бейҗиң. Атинадики олимпик йиғининиң йепилиш мурасимида олимпик байриқини тапшуривалди . Олимпик йиғининиң йепилиш мурасимидин бир қанчә күн илгири чәтәлдики уйғур тәшкилатлар , хитай димократлири тибәтләрниң наразилиқ һәркитигә аваз қошидиғанлиқини җакалиған . 25 - Авғуст күни хәлқара кишилик һоқуқ күзүтиш тәшкилати баянат елан қилип , хитай һөкүмитини 2008 - йилдики бейҗиң олимпик йиғиниғичә кишилик һоқуқ , әмгәк һоқуқи вә мәтбуат әркинлики бойичә ислаһат елип беришқа чақирған иди . (Әркин)