Tibetler, afénadiki olimpik yighinining yépilish murasimida xitaylargha naraziliq bildürdi

Tibet pa'aliyetchiliri atinadiki olimpik tenterbiye yighinining yekshenbe künki yépilish murasimida tibet bayriqini chiqirip , 2008 - yildiki olimpik tenterbiye yighinining sahipxan döliti bolghan xitayning kishilik hoquq xatirisige naraziliq bildürdi.

Tibetlik pa'aliyetchiler , tibet bayriqini qattiq bixeterlik tedbirliri astidiki olimpik yighinining yépilish murasimi ötküzilgen tenterbiye sariyigha muwapiqiyetlik ekirip , yépilish murasimi bashlinishdin bir qanche minut burun tibet bayriqini chiqarghan . Biraq tibetlerning qolidiki bayraq bilen tibet bayriqi chüshürilgen maykilar etraptiki saqchilar teripidin yighiwélindi .

Roytérs axbarat agéntliqining xewer qilishiche , xelqara tibet herkitining bayanatchisi tenzin séwu , béyjing bilen xitay tibetlerning kishilik hoquqini depse'ide qilip turup olimpik yighini ötküzishke layiq emes dep körsetken . 2008 - Yildiki olimpik yighini béyjingda ötküzilidu . Béyjing. Atinadiki olimpik yighinining yépilish murasimida olimpik bayriqini tapshuriwaldi . Olimpik yighinining yépilish murasimidin bir qanche kün ilgiri cheteldiki Uyghur teshkilatlar , xitay dimokratliri tibetlerning naraziliq herkitige awaz qoshidighanliqini jakalighan . 25 - Awghust küni xelqara kishilik hoquq küzütish teshkilati bayanat élan qilip , xitay hökümitini 2008 - yildiki béyjing olimpik yighinighiche kishilik hoquq , emgek hoquqi we metbu'at erkinliki boyiche islahat élip bérishqa chaqirghan idi . (Erkin)