Қалмақистанниң призденти далай ламаниң зиярәт қилишини үмид қилидиғанлиқини билдүрди


2004.09.28
Share on WhatsApp
Share on WhatsApp

dalailam.jpg
Далай лама

Қалмақиситан билән хитай оттурисидики иқтисадий һәмкарлиқини күчәйтиш үчүн бейҗиңни зиярәт қиливатқан, русийә тәркибидики қалмақистан җумһурийитиниң призденти кирсан илюмҗиноф, тибәтликләрниң диний вә сиясий даһийси далай лама ниң қалмақистан җумһурийити зиярәт қилишини үмид қилидиғанлиқини билдүрди.

Илюмҗиноф сәйшәнбә күни бейҗиңда франсийә ахбарат агентлиқиға бәргән баянатида мундақ дигән, “ әлвәттә будда диниға ишәнгән бир киши болуш сүпитим билән, далай ламаниң қалмақистанни зиярәт қилишини үмид қилимән. Лекин, бундақ зиярәт техи пиланланмиди. Қалмақистан призденти, өткән йили һиндистанни зиярәт қилғинида, далай лама биләнму учрашқан иди.

Далай лама -2002 йили қалмақистанни зиярәт қилмақчи болған, әмма русйә һөкүмити хитай һөкүмитиниң бисими билән далай ламаға виза беришни рәт қилғанлиқи үчүн, бу мәқситини әмәлгә ашуралмиған.

Хитай һөкүмити далай ламаниң паалийәт даирисини чәкләш мәқситидә, һәрқайси дөләтләргә далай ламаға виза бәрмәслики һәққидә давамлиқ бесим ишләтмәктә. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.