Tokyo sheher bashliqi, xitay yaponiye bixeterlikige tehdit dep körsetti


2004-10-03
Share

Yaponiye paytexti tokyo sheher bashliqi ishixara sintaru, xitay yaponiye bixeterlikige tehdit dep körsetti. U, xitayning yaponiye tewelikidiki bezi aralargha igilik hoquq dawasi qilghanliqini tenqitlidi. Ishaxara sintaru, amérika birleshme axbarat agénliqining ziyaritini qobul qilip, yaponiye mudapi'e qurulushuni kücheytishi kérek, yadro qorallargha ihtiyaj yoq, biraq yaponiye özining déngiz, hawa mudapi'esini kücheytip, xitay igilik hoquq telipining emelge éshishige yol qoymasliq kérek dep tekitligen. U, yaponiyening 2 - dunya urushi mezgilidiki kéngeymichilik herkitini aqlap, bu yaponiye armiyesining asiya döletlitini gherp mustemlikisidin qutuldurush herkiti dep körsetken. U, yaponiyening 2 - dunya urushidiki kéngeymichiligi munasiwéti bilen xoshniliridin epu sorishi hajetsiz dep qarighan.

Amma bu mesile yaponiye bilen xitay otturisidiki eng chong ixtilaplarning biri bolup, xitay hökümiti tokyu da'iriliridin yaponiye armiyesining 2 - dunya urushi mezgilide xitaygha tajawuz qilghanliqidin epu sorishini telep qilip kelmekte. Ishixara sintaru, ong qanat yaponiye milletchilirining pishwasi, shundaqla yaponiyede eng köp qarshi élishqa érishken siyasetchilerning biri. U özining xitaygha qarshi nutuqliri bilen nam chiqarghan. Sintaru, yaponiye tashqi siyasettiki amérika hamiliqidin qutulushi kérek dep qaraydighanliqini ilgiri sürgen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet