Yawropa ittipaqi xitayning toqumichiliq mallirini cheklesh pilanini élan qildi

Yawropa ittipaqi, xitayning toqumichiliq mallirining yawropa bazirigha köp miqdarda kirishini jiddiy tosush meqset qilin'ghan yéngi pilanini élan qildi.

Amérika birleshme agéntliqining xewirige qarighanda, yawropa ittipaqining soda komissari pétér mandélson charshenbe küni bryussélda bu pilanni élan qilghan bolup, uningda körsitilishiche, nawada xitayning toqumichiliq mallirining import qilinishi ötken yildiki sewiyidin 10٪ éship ketsila, buning üstidin derhal munasiwetlik tekshürüshler élip bérilidiken hemde béyjing bilen bu heqte gheyri resmiy söhbet ötküzilidiken.

Xitay hökümiti 2001 - yili dunya soda teshkilatigha eza bolup kirgende imza qoyghan kélishimde, mezkur teshkilatqa eza döletlerning xitay toqumichiliq mallirining köp miqdarda kirishige qarita, özini qoghdash xaraktérdiki charilerni qollinishqa bolidighanliqi körsitilgen.

Xitay malliri yawropa ittipaqi bazirida tökme qilinip sétilghandin kéyin, yawropadiki toqumichiliq mehsulatlirini ishlepchiqirish orunliri yéqindin buyan, yawropa ittipaqining jiddiy chare qollinip, xitay toqumichiliq mallirini import qilishni chekleshni telep qilghan idi. (Peride)