Fransiye: xitay toqumichiliq éksportining köpiyishi nahayiti jiddiy bir mesile


2005.05.09
Share on WhatsApp
Share on WhatsApp

Fransiye prézidénti jak shirak düshenbe küni , fransiyide xitay toqumichiliq éksportida yéqinda yüz bergen tuyuqsiz köpiyishning nahayiti jiddiy bir mesile ikenlikini bildürdi we mesilining dunya soda teshkilati ramkisi ichide bir terep qilinishini qollaydighanliqini tekitlidi .

Fransiye agéntliqining xewer qilishiche, fransiye prézidénti moskwada ikkinchi dunya urushining axirlashqanliqining 60 yilliqini tebriklesh pa'aliyitige qatnashqan xitay dölet re'isi xu jintaw bilen uchrishishtin kéyin bergen bayanatida, xitay toqumichiliq éksportining köpiyishi fransiye üchün nahayiti jiddiy we hel qilishqa tégishlik bir mesile, dégen .

Uning éytishiche, xitay toqumichiliq éskportining köpiyishi, fransiyining nurghunlighan rayonliri üchün intayin muhim bolghan, iqtisadiy sahelerning kélechikini xeterge duchar qilghan .

Fransiye xitay bilen bolghan soda munasiwitini téximu ilgiri sürüsh üchün yawrupa ittipaqining 1989 - yili xitaygha qarita yolgha qoyghan qoral imbargosini bikar qilishini eng köp qollawatqan bir dölet bolup hésablinidu. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet