Америка йәнә хитайниң төт хил тоқумичилиқ мәһсулатлириға чәклимә қойди


2005.05.19
Share on WhatsApp
Share on WhatsApp

Америка вә хитай арисида тоқумичилиқ мәһсулатлирини чөридигән сода ихтилаби күчәймәктә. Америка һөкүмити пәйшәнбә күни хитайдин импорт қилинидиған техиму көп тоқумичилиқ мәһсулатлириға чәклимә қойидиғанлиқини җакарлиди.

Өткән һәптә америка сода министирлиқи хитайдин импорт қилинидиған, пахта рәхттин ишләнгән көйнәк, иштан вә ич кийимләргә бирдәк сан чәклимиси қойған иди.

Америка бирләшмә ахбарат агентлиқиниң хәвиригә қариғанда, америка пәйшәнбә күни йәнә төт хил хитай тоқумичилиқ мәһсулатлириға чәклимә қойған болуп, булар әрәнчә кийим- кечәкләргә ишлитидиған пахта рәхтләр, сүний таладин ишләнгән көйнәк, иштан вә йип буюмлар икән.

Америка сода министири карлос гутерис , америкиниң бундақ чәклимә қоюшиниң америкидики тоқумичилиқ базирини қоғдашни мәқсәт қилғанлиқини билдүргән.

Америка вә яврупа иттипақи, 31 йилдин буян қоллинип келиватқан дуня тоқумичилиқ мәһсулатлири сан чәклимиси бу йил 1 - айда бикар қилинғандин кейин, хитайдин импорт қилинған тоқумичилиқ мәһсулатлириниң һәддидин ташқири тез көпәйгәнликини билдүрмәктә.

Бирақ хитай һөкүмити, америкиниң бу қараридин қаттиқ нарази болған. Хитай ташқи ишлар министирлиқи пәйшәнбә күни баянат елан қилип, америкиниң бир тәрәплимә һәрикитигә қарши туридиғанлиқини билдүрди һәмдә америкини хитай тоқумичилиқ маллириға чәклимә қоюш йоли билән әмәс, бәлки сөһбәт арқилиқ ихтилабни һәл қилишқа чақирди. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.