Amérika yene xitayning töt xil toqumichiliq mehsulatlirigha cheklime qoydi


2005.05.19
Share on WhatsApp
Share on WhatsApp

Amérika we xitay arisida toqumichiliq mehsulatlirini chöridigen soda ixtilabi kücheymekte. Amérika hökümiti peyshenbe küni xitaydin import qilinidighan téximu köp toqumichiliq mehsulatlirigha cheklime qoyidighanliqini jakarlidi.

Ötken hepte amérika soda ministirliqi xitaydin import qilinidighan, paxta rexttin ishlen'gen köynek, ishtan we ich kiyimlerge birdek san cheklimisi qoyghan idi.

Amérika birleshme axbarat agéntliqining xewirige qarighanda, amérika peyshenbe küni yene töt xil xitay toqumichiliq mehsulatlirigha cheklime qoyghan bolup, bular erenche kiyim- kécheklerge ishlitidighan paxta rextler, sün'iy taladin ishlen'gen köynek, ishtan we yip buyumlar iken.

Amérika soda ministiri karlos gutéris , amérikining bundaq cheklime qoyushining amérikidiki toqumichiliq bazirini qoghdashni meqset qilghanliqini bildürgen.

Amérika we yawrupa ittipaqi, 31 yildin buyan qollinip kéliwatqan dunya toqumichiliq mehsulatliri san cheklimisi bu yil 1 - ayda bikar qilin'ghandin kéyin, xitaydin import qilin'ghan toqumichiliq mehsulatlirining heddidin tashqiri téz köpeygenlikini bildürmekte.

Biraq xitay hökümiti, amérikining bu qararidin qattiq narazi bolghan. Xitay tashqi ishlar ministirliqi peyshenbe küni bayanat élan qilip, amérikining bir tereplime herikitige qarshi turidighanliqini bildürdi hemde amérikini xitay toqumichiliq mallirigha cheklime qoyush yoli bilen emes, belki söhbet arqiliq ixtilabni hel qilishqa chaqirdi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet