Xitay, toqumichiliq mallirigha bolghan ékisport béjini österdi


2005.05.20
Share on WhatsApp
Share on WhatsApp

Xitay hökümiti bu yil 6 - aydin bashlap, 74 xil toqumichiliq mehsulatlirining ékisport béjini 4 hesse östüridighanliqini jakarlidi. Bu, xitayning amérika we yawropa ittipaqi bilen bolghan soda majrasini yéniklitishni meqset qilghanliqidin dérek béridu.

Bu qararni xitay maliye ministirliqi jüme küni élan qilghan. Téxi buning aldida amérika hökümiti, xitay toqumichiliq mallirining shiddet bilen amérikigha kirishi sewebidin, xitayning 3 türdiki toqumichiliq méligha cheklime qoyghan idi.

Amérikidin sirt yene, xitay toqumichiliq mallirining tehditige éghir uchrighan yawropa birlikimu, xitay mallirigha cheklime qoyushni oylashmaqta. Xitay mallirining bu rayonlargha köplep kirishige sewep bolghan amil, 31 yildin buyan yolgha qoyulup kéliwatqan xitay toqumichiliq méligha qaritilghan xelq'ara cheklimisining bu yil 1 - ayda bikar qilinishi bolup hésablinidu.

Xitay hökümiti ékisport béjini östürüsh qararini chiqirishtin burun, amérika we yawropa birlikining xitay mallirigha cheklime qoyushini eyiblep, buni, bir tereplimilik halda chiqirilghan, adil bolmighan heriket dep körsetken idi.

Eger xitay hökümiti ünümlük chare qollanmisa, bu mesile, dunya soda teshkilati teripidin bir terep qilinidu. Lékin xitay tashqi ishlar ministirliqi bu soda majralirini shu döletler bilen söhbet arqiliq bir terep qilishni xalaydighanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.