Yawrupa ittipaqi we xitay toqumichiliq mehsulatliri toghrisida kélishti

Yawrupa ittipaqi düshenbe küni xitay hökümiti bilen, yawrupa portlirida tutup turiliwatqan on milyonlighan xitay kim - kécheklirini yawropagha kirgüzüsh mesiliside kélishkenlikini bildürdi.

Yawrupa ittipaqining bayanatchisi frankoz li byl, bryussélda, muxbirlargha bergen bayanatida, yawrupa ittipaqi we xitay hökümiti wekilliri yawrupa tamozhnilirida toxtitip qoyulghan toqumichiliq mehsulatliri mesiliside kélishti, dédi.

Roytris agéntliqining xewer qilishiche, yawrupa ittipaqi döletlirining tamozhnilirda 75 milyon etrapida xitaydin éksport qilin'ghan kiyim- kéchek tutup turulmaqta. Yawrupa döletliri iyun éyida xitaydin éksport qilin'ghan toqumichiliq mehsulati belgilen'gen miqdardin iship ketkendin kéyin, xitay toqumichiliq mehsulatlirining kirishige ruxset bermigen.

Toqumichiliq sana'iti nahayiti tereqqiy qilghan fransiye, italiye we ispaniye qatarliq döletler, béyjing hökümiti 2006 - we 2007 - yilliri yawropagha import qilidighan toqumichiliq mehsulatlirining miqdarini azaytmighiche, xitayning yawrupa döletlirige toqumichiliq mehsulatlirini import qilishigha qarshi turghan.

Bu yil amérika we yawrupa ittipaqi, -1 iyun künidin bashlap toqumichiliq mehsulatlirining importi üstidiki cheklimini bikar qilghandin kéyin, xitayning mezkur döletlerge qaratqan toqumichiliq mehsulati éksporti heddidin ziyade köpeydi. Gerche, yawrupa ittipaqi bilen xitay otturisida xitayning toqumichiliq mehsulatlirining ikisporti toghrisidatoxtam tüzülgen bolsimu, amérika bilen xitay otturisida ötken hepte bu mesile üstide élip bérilghan söhbetler netijisiz axirlashti. (Qanat)