Dunya soda teshkilatining yighinida xitay bilen türkiye arisida toqunush yüz berdi

Seyshenbe küni dunya soda teshkilatining jenwediki yighinida, xitay wekiller ömiki toqulma buyumlar éksport cheklimisini bikar qilishning tesirini muzakire qilish teklipige qarshi chiqqandin kéyin, xitay wekiller bilen türkiye wekillirining arisida toqunush yüz berdi.

Fransiye axbarat agéntliqining xewer qilishiche, yighin re'isi finlandiyining dunya soda teshkilatidiki emeldari wisa tipani ximanen, yighinni toxtitishqa mejbur bolghan. Seyshenbe künki yighinda türkiye bilen i'ordaniye, toqulma buyumlar éksport cheklimisini bikar qilishning "tesirlirini, mesililer we pilanlar" ni muzakire qilishni telep qildi. Bu teklipni shimaliy afriqidiki tunus otturigha qoyghan idi.

Bu yil 1 - ayda toqulma buyumlar éksport cheklimisi bikar qilin'ghandin kéyin, amérika we yawropa elliridiki xitay toqulma buyumlirining éksport hejimi shiddet bilen köpeymekte. Bu türkiye qatarliq döletlerning toqulma buyumlar éksportigha tesir yetküzgen.

Xitaylar éksport cheklimisini bikar qilishning tesirlirini gheyri resmi yighinlarda muzakire qilishni telep qilip, bu mesilini dunya soda teshkilatining resmi küntertipige kirgüzüshke qarshi chiqqan. Yawropa ittipaqining soda komisari pétir mandilson, yéqinda yawropa ittipaqining xitay towarlirigha cheklime qoyudighanliqini agahlandurdi. Amérika xitay mallirigha cheklime qoyush mesilisini tekshürmektiken. (Erkin)