Sunami déngiz dolquni apitide ölgenlerning sani120 mingdin ashti


2004-12-30
Share

Ötken yekshenbe küni hindi okyanda yüz bergen yer tewreshtin kélip chiqqan sunami déngiz dolquni apitide ölgenlerning sani tiz örlep, 125 minggha yetti. Hindonéziyide ölgenlerning sanila peyshenbe küni téz éship, 80 minggha yéqinlashqan.

Roytirs agéntliqining xewirige qarighanda, apette hazirghiche 125 ming adem ölgendin sirt, yene besh milyondek kishi yimek- ichmek we turmush boyumlirigha jiddiy éhtiyaj bolmaqta. Qutquzghuchi xadimlar, apetke uchrighan rayonlarda dora, ichimlik su we yimeklikning kemchillikidin, qaza tapqanlar sanining dawamliq éship baridighanliqini mölcherlimekte. Birleshken döletler teshkilatining bildürüshiche, xelq'ara yardem boyumlirini apetke uchrighan rayonlargha yetküzüsh üchün yene bir nechche kün waqit kétidiken.

Dunya sehiye teshkilatimu bu arida agahlandurup, taziliq mesilisi we yuqumluq késellikning tarqilishi sewebidin, apette ölgenler sanining hessilep éshishi mumkinlikini otturigha qoymaqta. Nöwette 60 din artuq dölet apetke uchrighan rayonlargha deslepki qedemde 220 milyon dollar yardem béridighanliqini bildürdi.

Xewerge qarighanda, birleshken döletler teshkilati 1 - ayning 6 - küni, her qaysi döletlerni téximu köp yardem bérishqa chaqiridighan qutquzush pa'aliyiti élip baridiken.(Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet