Xelq'ara jem'iyet apet rayonidiki qutquzush herikitini kücheytti


2004.12.31

Xelq'ara jem'iyet hindi okyan apet rayonidiki qutquzush herikitining kölimini kéngeytmekte. Kanada apetke uchrighan döletlerdin alidighan qerzini kéchiktürdi. Amérika déngiz, hawa we déngiz armiyisining piyadiler qisimi seperwer qilip, apet rayonidiki kishilerni qutquzushqa mangdurdi. Amérika tashqiy ishlar ministiri kolin powéll apet rayonini közdin kechüridu. Amérika prézidénti bushnning bildürüshiche, kolin powéll bashchiliqidiki tekshürüsh ömiki amérikining qanchilik yardem bérishige toghra kélidighanliqini mölcherleydu. Amérika hazirche 35 milyon dollar yardem béridighanliqini élan qildi. Biraq kolin powéll, amérikini téximu köp yardem béridighanliqini bildürgen.

En'giliyide puqralar 40 milyon fond stérling pul toplidi. Yawropa ittipaqi, 300 milyon yawro yardem qilishqa teyyarliqini bildürgen. Xitay hökümiti 60 milyon dollar yardem qilidighanliqini élan qildi. Buningdin ilgiri xitaylar 2.5 Milyon dollar yardem qilghan bolup, bu xelq'ara jem'iyetning tenqidige uchrighan idi. Dunya bankisi 250 milyon dollar yardem qilidighanliqini jakarlighan. Xewerlerge qarighanda bügün'giche, xelq'ara jem'iyetning yardimi 500 milyon dollargha barghan. Mutexesislerning perez qilishiche, bu qétimqi weqede kélip chiqqan iqtisadi ziyan 14 milyard dollargha yétidiken. Weqede ölgenlerning sani hazirghiche 120 mingdin ashqan, hindinoziyining özide 80 mingdin 100 mingghiche kishi ölgen bolushi mumkin. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.