Kofi ennan apetke uchrighan rayunlarning eslige kélishi üchün on yil waqit kétidighanliqini bildürdi


2005-01-02
Share

B d t ning bash sékritari kofi ennan ötken hepte jenubiy asiyada yüz bergen yer tewresh we sunami déngiz dolquni apitining zerbisige uchrighan rayonlarning 10 yilgha yéqin waqit ichide aran eslige kélishi mumkinlikini bildürdi. U nöwettiki qutquzush pa'aliyetlirining apetke uchrighan on nechche dölette oxshashla qiyinchiliqqa uchrawatqanliqini körsetti.

Chet'el axbaratlirining xewerlirige qarighanda, qutquzush boyumliri apetke uchrighan rayonlargha jiddiy toshuliwatqan bolsimu, emma qattiq yamghur we qatnashning qolaysizliqi töpeylidin, kishilerning yardem boyumlirigha érishishi tesirge uchrighan.

Amérika we awstraliye qatarliq döletler tik uchar ayropilanlar arqiliq hindinoziyining aché wilayitining sherqide qamilip qalghan kishilerge tünji qétim ashliq we bir qisim jiddiy boyumlarni yetküzgen. Qutquzghuchi xadimlar bir heptidin boyan sunami déngiz dolquni apitining tesirige eng éghir uchrighan aché wilayitining köp qisim rayunlirigha bérishqa amalsiz qalghan idi.

Birleshken döletler teshkilatining emeldarliri, hindinoziyide bir milyon , sérlankida 700 ming kishining öy makanlirini qurghiche bolghan bir nechche ay ichide ashliq we bashqa yardem buyumlirigha jiddi muhtaj bolidighanliqini körsetti. Ularning bildürüshiche, xelq'ara jem'iyet bu qétimqi apetke jiddi inkas qayturup, hazirghiche 2 milyard dollardek yardem puli bergen.

Ötken yekshenbe küni yüz bergen hindi okyandiki yer tewresh we sunami déngiz dolquni apiti, etraptiki rayunlarda 130 mingdin artuq kishining ölishini keltürüp chiqarghan idi. Birleshken döletler teshkilatining qutquzush ishlirigha mes'ol xadimi apette ölgenler sanining 150 mingdin éshishi mumkinlikini bildürdi. U shundaqla yene, apette emiliy ölgenler sanining menggü éniqlanmasliqi mumkinlikini, chünki nurghun ademlerni déngiz yütüp ketkenlikini körsetti. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet