Сунамида өлгәнләрниң сани 145 миңға йәтти


2005-01-03
Share

Һинди окяндики йәр тәврәш вә сунами деңиз долқунида өлгәнләрниң сани дүшәнбә күни 145 миңға йәтти. Һиндинозийидә өлгәнләрниң сани әң көп болуп, һазирғичә суматра арилида 95 миң пуқраниң өлгәнлики мәлум болған. Һиндонезийә даирилири, өлгәнләрниң 100 миң йетидиғанлиқини билдүрмәктә. Сриланкида өлгәнләр 30 миңға йәткән, из - дерики йоқларниң сани 6 миң болуп, һиндистанда 15 миң миң пуқра өлгән, 6 миң пуқра из - дерәксиз йоқалған. Тайланд ички ишлар министирлиқи, өлгәнләрниң санини 5 миң, дәп елан қилди. Буларниң 2 йерим миңини чәтәлликләр игилигән.

Франсийә ахбарат агентлиқиниң хәвәр қилишичә, б д т апәт районидикиләр үчүн бир һәптә ичидә бир йерим милярд доллар ианә топлиди. японийә 500 милйон доллар ианә қилидиғанлиқини билдүргән. Америка ярдәм соммисини 350 милйон долларға көпәйтти. Тәйвән 50 милйон доллар ярдәм қилған. Хитайлар 60 милйон доллар ианә қилидиғанлиқини билдүргән.

Президент җорҗи буш, дүшәнбә күни сабиқ президент бил клинтон вә дадиси җорҗи бушлар билән ақ сарайда баянат елан қилип, америка хәлқини һинди окян апәт районидики пуқраларға ианә беришкә чақирди. Америка ташқи ишлар министири колин повел, йәкшәнбә күни апәт районидики дөләтләргә қаратқан зияритини башлиди. У, һиндонезийә, тайланд қатарлиқ дөләтләрдики апәт әһвалини өз көзи билән көрүп, америкиниң қанчилик ярдәм беришигә тоғра келидиғанлиқини мөлчәрләйду. Колин повел, апәт районидикиләрни қутқузуш билән тәң, апәт райониниң қайта қурулуши шундақла қайта тәрәққияти үчүн ярдәм беришкә тоғра келидиғанлиқини тәкитлигән.(Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт