Hindi okyandiki yer tewresh we sunami déngiz dolqunida ölgenlerning sani düshenbe küni 145 minggha yetti. Hindinoziyide ölgenlerning sani eng köp bolup, hazirghiche sumatra arilida 95 ming puqraning ölgenliki melum bolghan. Hindonéziye da'iriliri, ölgenlerning 100 ming yétidighanliqini bildürmekte. Srilankida ölgenler 30 minggha yetken, iz - dériki yoqlarning sani 6 ming bolup, hindistanda 15 ming ming puqra ölgen, 6 ming puqra iz - déreksiz yoqalghan. Tayland ichki ishlar ministirliqi, ölgenlerning sanini 5 ming, dep élan qildi. Bularning 2 yérim mingini chet'ellikler igiligen.
Fransiye axbarat agéntliqining xewer qilishiche, b d t apet rayonidikiler üchün bir hepte ichide bir yérim milyard dollar i'ane toplidi. Yaponiye 500 milyon dollar i'ane qilidighanliqini bildürgen. Amérika yardem sommisini 350 milyon dollargha köpeytti. Teywen 50 milyon dollar yardem qilghan. Xitaylar 60 milyon dollar i'ane qilidighanliqini bildürgen.
Prézidént jorji bush, düshenbe küni sabiq prézidént bil klinton we dadisi jorji bushlar bilen aq sarayda bayanat élan qilip, amérika xelqini hindi okyan apet rayonidiki puqralargha i'ane bérishke chaqirdi. Amérika tashqi ishlar ministiri kolin powél, yekshenbe küni apet rayonidiki döletlerge qaratqan ziyaritini bashlidi. U, hindonéziye, tayland qatarliq döletlerdiki apet ehwalini öz közi bilen körüp, amérikining qanchilik yardem bérishige toghra kélidighanliqini mölcherleydu. Kolin powél, apet rayonidikilerni qutquzush bilen teng, apet rayonining qayta qurulushi shundaqla qayta tereqqiyati üchün yardem bérishke toghra kélidighanliqini tekitligen.(Erkin)
Munasiwetlik maqalilar
- Kofi ennan apetke uchrighan rayunlarning eslige kélishi üchün on yil waqit kétidighanliqini bildürdi
- Xelq'ara jem'iyet apet rayonidiki qutquzush herikitini kücheytti
- Sunami déngiz dolquni apitide ölgenlerning sani120 mingdin ashti
- Sunami déngiz dolquni apitide ölgenlerning sani 77 minggha yetti
- Hindi okyanda yüz bergen yer tewresh apitide, qaza qilghan adem sani 55000 din ashti
- Jenubiy asiyadiki yer tewreshte 11 mingdin artuq adem öldi
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- B d t ning ichki qismidiki nishanigha muxalip qilmishliri we Uyghur mesilisi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
