تەيۋەن ، خىتاينى ئاپەتكە ئۇرچرىغانلارغا ياردەم يەتكۈزۈشكە توسقۇنلۇق قىلىۋاتىدۇ دەپ ئەيىپلىدى


2005-01-10
Share

تەيۋەننىڭ مۇئاۋىن پرېزىدېنتى لۈي شيۈ ليەن دۈشەنبە كۈنى ، خىتاي ھۆكۈمىتىنى، تەيۋەننىڭ ھەربىي ئايروپىلان ۋە ھەربىي قاتناش ۋاسىتىلىرىنى ئىشلىتىپ، سۇنامى قۇربانلىرىغا ياردەم يەتكۈزۈش پائالىيەتلىرىگە توسقۇنلۇق قىلىۋاتىدۇ، دەپ ئەيىپلىدى.

ئامېرىكا بىرلەشمە ئاگېنتلىقىنىڭ خەۋەر قىلىشىچە، تەيۋەن ھىندونېزىيە ۋە تايلاندغا يىمەكلىك، تىببىي ئەشيالار ۋە باشقا كېرەكلىك نەرسىلەرنى تەيۋەن ھەربىي ترانسپورت ئايروپىلانلىرى بىلەن يۆتكەشنى تەكلىپ قىلغان.

لېكىن تەيۋەن ھۆكۈمەت ئەمەلدارلىرىنىڭ بىلدۈرۈشىچە، ھىندونېزىيە ۋە تايلاند ھۆكۈمەتلىرى خىتاينىڭ نارازىلىقىدىن ئەندىشە قىلىپ، تەيۋەن ھەربىي ترانسپورت ئايروپىلانلىرىنىڭ ياردەم ئەشيالىرىنى مەزكۇر دۆلەتلەرگە يۆتكىشىگە قوشۇلمىغان . ئەمما ھىندونېزىيە ۋە تايلاند ھۆكۈمەتلىرى ياردەم ئەشيالىرىنى تەيۋەن ھەربىي ترانسپورت ئايروپىلانلىرى بىلەن يۆتكەشنى قوبۇل قىلمىغانلىقىنى رەسمىي ئېنىقلىمىدى.

تەيۋەننىڭ مۇئاۋىن پرېزىدېنتى لۈي شيۈ ليەن يەنە خىتاي ھۆكۈمىتىنىڭ، تەيۋەننىڭ ھىندونېزىيىدە ئاپەتكە ئۇچرىغان لارغا ياردەم بېرىش توغرىسىدا ئۆتكۈزۈلگەن خەلقئارالىق بىر يىغىنغا قاتنىشىشىغا توسقۇنلۇق قىلغانلىقىنى، تەيۋەننىڭ ياردەملەرنى تىز يەتكۈزۈش ھەققىدە بەرگەن تەكلىپىنى رەت قىلىشى ئۈچۈن ھىندونېزىيە ۋە تايلاند ھۆكۈمەتلىرىگە بېسىم ئىشلەتكەنلىكىنى بىلدۈرگەن . (قانات)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت