Teywen , xitayni apetke urchrighanlargha yardem yetküzüshke tosqunluq qiliwatidu dep eyiplidi


2005-01-10
Share

Teywenning mu'awin prézidénti lüy shyü lyen düshenbe küni , xitay hökümitini, teywenning herbiy ayropilan we herbiy qatnash wasitilirini ishlitip, sunami qurbanlirigha yardem yetküzüsh pa'aliyetlirige tosqunluq qiliwatidu, dep eyiplidi.

Amérika birleshme agéntliqining xewer qilishiche, teywen hindonéziye we taylandgha yimeklik, tibbiy eshyalar we bashqa kéreklik nersilerni teywen herbiy transport ayropilanliri bilen yötkeshni teklip qilghan.

Lékin teywen hökümet emeldarlirining bildürüshiche, hindonéziye we tayland hökümetliri xitayning naraziliqidin endishe qilip, teywen herbiy transport ayropilanlirining yardem eshyalirini mezkur döletlerge yötkishige qoshulmighan . Emma hindonéziye we tayland hökümetliri yardem eshyalirini teywen herbiy transport ayropilanliri bilen yötkeshni qobul qilmighanliqini resmiy éniqlimidi.

Teywenning mu'awin prézidénti lüy shyü lyen yene xitay hökümitining, teywenning hindonéziyide apetke uchrighan largha yardem bérish toghrisida ötküzülgen xelq'araliq bir yighin'gha qatnishishigha tosqunluq qilghanliqini, teywenning yardemlerni tiz yetküzüsh heqqide bergen teklipini ret qilishi üchün hindonéziye we tayland hökümetlirige bésim ishletkenlikini bildürgen . (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet