Hindonéziye, apet rayonidiki chet'el qisimlirining chékinishini telep qildi


2005.01.12

Hindonéziye da'irilirining charshenbe küni melum qilishiche, sunami apitige uchrighan rayonlarda yardem ishlirini qiliwatqan chet'el qisimliri we zhornalistlar 3 ayning ichide aché rayonidin chiqip kétishi kérek iken.

Amérika birleshme axbarat agéntliqining xewirige qarighanda, hindonéziyining qutquzush ishliri bashliqi budi atmaji, aché rayonida musteqilchi küchler bolghanliqi üchün bu rayonning hazir bixeter emeslikini, shunga chet'el qoshunlirining bu yerdin chiqip kétishi kéreklikini bildürgen.

Sunami apitidin kéyin, amérika, awstraliye, yaponiye, malaysiye we sin'gapor qatarliq döletler bu rayonning jiddiy qutquzush ishlirigha yardemlishish üchün déngiz, hawa we quruqluq qisimlirini bu yerge ewetken idi.

Hindonéziye hökümiti burundin aché rayonidiki kishilik hoquq depsendichiliki bilen xelq'ara jem'iyet teripidin eyiplinip kelgen bolup, sunami apitidin ilgiri bu rayon'gha chet'elliklerning kirishi cheklen'gen idi. Apet sewebi bilen chet'el yardem qoshunlirining bu rayon'gha kirishi hindonéziye hökümitini bi'aram qildi.

Bu arida apet rayonidiki qutquzush, tazilash, jesetlerni bir terep qilish we weyran bolghan qatnash yollirini qayta yasash ishliri dawamliq élip bériliwatqan bolup, xelq'araning ashliq, kiyim-kéchek we dawalash boyumlirigha oxshash yardem boyumliri bu rayon'gha arqa-arqidin yétip kelmekte. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.